29 мамыр күні таңертең Индер ауданы аумағында қайғылы жол апаты болды. Аударылып кеткен Hyundai Sonata көлігіндегі жолаушылардың тек біреуі ғана аман қалған, деп хабарлайды «24KZ» .
Полиция департаментінің мәліметінше, оқиға сағат 06:30 шамасында болған. Hyundai Sonata көлігі жолдың 15-шақырымында апатқа ұшыраған. Көлікті 41 жастағы жүргізуші басқарған. Ол және үш жолаушы оқиға орнында көз жұмды. Тағы бір жолаушы түрлі жарақаттармен аудандық ауруханаға жеткізілді.
Жол-көлік оқиғасы бойынша сотқа дейінгі тергеу амалдары басталды.