371,31 419.90 5.56
+7 (7172) 757 485 24kz@khabar.kz
ҚАЗ

Тимур Бекмамбетов Денис Теннің киножобасын экранға шығармақ

  • 362
Тимур Бекмамбетов Денис Теннің киножобасын экранға шығармақ 24СМИ

Режиссер және продюсер Тимур Бекмамбетов бейсенбі күні қаза тапқан қазақстандық мәнерлеп сырғанаушы, Сочиде өткен Олимпиада ойындарының қола жүлдегері Денис Теннің ойластырған жобасын жүзеге асыруды жоспарлап отыр, деп хабарлайды ТАСС агенттігі.

Денис Тен 13 шілде күні Мәскеуде Бекмамбетов пен Bazelevs компаниясы ұйымдастырған Screenlife Project халықаралық байқауының питчингінде болашақ киножобасын таныстырған болатын. Спортшының жобасы керең қыз бен мылқау жігіттің арасындағы сезімге арналған. Сырғанаушы әлеуметтік желілердегі парақшаларында фильмнің жобасы туралы ұдайы жазып тұрған. Қолданушылар Bazelevs негізін салушы Т. Бекмаметовке фильмді экранға шығару туралы ұсыныс тастады.

«Бұл – өте ауыр жағдай. Денистің туған-туыстарына қайғырып, көңіл айтамын. Біз міндетті түрде оның идеясын жарыққа шығаруға тырысамыз, талантты тұлғаның рухы үшін арнау-фильмді көрсетеміз. Денис Тен небәрі 25 жасында үлкен жетістіктерге жетіп үлгерді, алдыға қойған жоспарлары да көп болды. Оларды қалай да орындар еді. Себебі ол өте еңбекқор жан болатын», – деді Бекмамбетов.

Ақпарат көзі: inform.kz

Осы категория бойынша: « Алматыда Денис Тенмен қоштасу рәсімі өтеді Денсаулық сақтау министрлігі Денис Теннің диагнозын жариялады »
Серіктестер жаңалықтары
Хабар 24 телеарнасы