369,01 417.85 5.52
+7 (7172) 757 485 24kz@khabar.kz
ҚАЗ

Көкшетауда экскаваторшының аяғынан айырылуы: Қылмыстық іс қозғалды

  • 184
Көкшетауда экскаваторшының аяғынан айырылуы: Қылмыстық іс қозғалды inform.kz

Ақмола облысындағы «Алтынтау-Көкшетау» ЖШС-нің алтын өндіретін кенішінде орын алған төтенше жағдайға байланысты қылмыстық іс қозғалды.

Бұл туралы облыстық Ішкі істер департаментінің баспасөз хатшысы Гүлнəр Пинчук мәлім етті. «Кəсіпорында орын алған төтенше жағдайға байланысты полиция ҚР ҚК-нің 156-бабы бойынша (еңбекті қорғау ережесінің бұзылуы) іс қозғады», – деді Г.Пинчук.

Еске салайық, 21 шілде күні таңғы сағат 08:00 шамасында «Алтынтау-Көкшетау» ЖШС-ның ашық кенішінде тау жынысын қопарып жатқан экскаватордың үстіне тастардың үйіндісі құлаған болатын. Тастар жүргізуші отырған кабинаны басып қалды. Құрсауда қалған 1993 жылғы жүргізуші 11 сағатқа жалғасқан құтқару жұмыстарынан кейін ғана босатылды. Екі аяғы қатты зақымданған 25 жастағы жігіт жедел жәрдеммен Ақмола облыстық ауруханасына жеткізілді. Бүгін белгілі болғандай, оған ота жасалған. Бірақ ұзақ уақыт бойы салмағы бірнеше тонна тастың астында езіліп, қимылсыз жатқан оның жансыз аяқтарын дəрігерлер сақтап қала алмады.

Ақпарат көзі: inform.kz

Осы категория бойынша: « Алматы облысында 5 жасар бала аквапарктегі суға батып кетті Тәжікстан мен Қырғызстанда жер сілкінді »
Серіктестер жаңалықтары
Хабар 24 телеарнасы