389,98 432,20 6.09
+7 (7172) 757 485 24kz@khabar.kz
ҚАЗ


Қызылордада иіс тиіп уланған 3 бала көз жұмды

  • 1194
  • UPD: 09:59, 10.01.2019
Қызылордада иіс тиіп уланған 3 бала көз жұмды Kapital.kz

Қызылордада иіс тиіп уланған 3 бала мерт болды. Бұл туралы ҚР ІІМ Төтенше жағдайлар комитетінің ресми өкілі Нұрсұлтан Нұрахметов айтты, деп хабарлайды ҚазАқпарат.

Оның айтуынша, кеше кешкі сағат 19:29-да өртке қарсы қызмет пультіне Қызылорда қаласының Махмұтов көшесі бойындағы «Наурыз» саяжай учаскесіндегі жеке тұрғын үйден өрт шыққандығы туралы хабарлама түскен. Үй ішіндегі жиһаздан басталған қызыл жалын жалпы аумағы 15 шаршы метрді құрайтын төбе жабындысын шарпыған. Өрт сағат 19:55-те сөндірілді.

«Өрт сөндірушілер сыйымдылығы 50 литрлік бір газ баллонын шығарды. Құтқарушылар жеткенге дейін туған-туыстары үйдің ішінен 2011, 2012 және 2014 жылы дүниеге келген үш баланы алып шыққан. Иіс тиіп уланған оларды ауруханаға жеткізгенімен, балалар естерін жимастан көз жұмды», - деді ресми өкіл.

Сонымен қатар балаларды өрттен алып шыққан адамдар да медициналық көмекке жүгініп ауруханға жатқызылған.

Өрт орнында Қызылорда облыстық төтенше жағдайлар депаратменті жеке құрамының 19 маманы мен 7 техникасы жұмыс істеді.

Хабар 24 телеарнасы