378,17 430.15 5.89
+7 (7172) 757 485 24kz@khabar.kz
ҚАЗ

Шымкентте кәмелетке толмаған қызды зорлады деген күдікті ұсталды

  • 321
  • UPD: 14:14, 15.01.2019
Шымкентте кәмелетке толмаған қызды зорлады деген күдікті ұсталды © aifudm.net

Алматы тұрғыны Шымкентте кәмелетке толмаған қызды зорлады деген күдікпен ұсталды, - деп хабарлайды Tengrinews.kz Шымкент полиция департаментіне сілтеме жасап.

Оны ұстау үшін ІІМ қызметкерлерінің қатысуымен арнайы жедел тергеу тобы құрылды. Полиция мәліметінше зорлау әрекеті 2019 жылы 5 қаңтарда болған.

«Кәсібилік пен жедел тергеу тобының үйлесімді жұмысының арқасында Шымкент қалалық полиция департаментінің қызметкерлері аз уақыттың ішінде оқиғаның хронологиясын жасап, кінәлі адамның ізіне түсті. Ұсталған адамның қылмысқа қатысы бары туралы куәгерлер мен жәбірленушінің куәлік етуі арқылы анықталды. Тергеу жалғасып жатыр», - деді Шымкент ПД баспасөз қызметінің өкілдері.

Хабар 24 телеарнасы