378,17 430.15 5.89
+7 (7172) 757 485 24kz@khabar.kz
ҚАЗ

БҚО трассасында жолаушылар автобусы жыраға түсіп кетті

  • 331
  • UPD: 17:45, 22.01.2019
БҚО трассасында жолаушылар автобусы жыраға түсіп кетті inform.kz

Батыс Қазақстан облысында 30 адамды алып бара жатқан автобус жол жиегіндегі жыраға түсіп кетті, деп хабарлайды ҚазАқпарат.

БҚО Төтенше жағдайлар департаментінің баспасөз қызметінен түскен мәліметке қарағанда, оқиға 22 қаңтар күні сағат 05.00-де «Орал-Атырау» жолының 76-шақырымында Ақжайық ауданы Бударин ауылы маңында болды. DAEWOO маркалы автобус жыраға түсіп кеткен. Автобуста 30 жолаушы болған, оның төртеуі – балалар. Жолаушылар түгелдей басқа автобусқа отырғызылды. Зардап шеккендер жоқ. Сондай-ақ осы күні сағат 05.30-да Ақжайық ауданы аумағында «Чапаев-Қазталов» жолының 5-шақырымында жыраға құлап кеткен «Фольксваген Шаран» көлігі шығарылды. Айта кетейік, жыл басынан БҚО-да 148 автокөлік қар құрсауынан шығарылып, 204 адам құтқарылды. 99 адам эвакуацияланды. Осы күндері ауа райының қолайсыздығына байланысты Батыс Қазақстанда автожолдар жабылуда. Қазіргі кезде жолдардың барлығы ашық.

Хабар 24 телеарнасы