386,34 428,03 5.89
+7 (7172) 757 485 24kz@khabar.kz
ҚАЗ


СҚО-да әкесі екі қызын құтқарып суға батып кетті

  • 217
  • UPD: 10:40, 31.07.2019
СҚО-да әкесі екі қызын құтқарып суға батып кетті

Солтүстік Қазақстан облысында бір аптада үш адам суға кеткен, деп хабарлайды ҚазАқпарат тілшісі.

СҚО төтенше жағдайлар департаменті баспасөз қызметінің мәлімдетінше, Есіл ауданында жантүршігерлік оқиға болған.

Есіл өзенінің жағасында демалып жатқан отбасының 14 және 16 жастағы екі қызы 9 жасар туысымен селфи түсірмек болады. Бір кезде қуатты толқын оларды ағызып әкетеді. Қыздардың 45 жастағы әкесі суға сүңгіп, балаларын құтқарады. Алайда өзі өзеннің адуынды толқынынан шыға алмай, батып кеткен. Аққайың ауданында 69 жастағы ер адам балық аулаймын деп суға кеткен. Араға екі күн салып, Қызылжар ауданында да осындай оқиға қайталанды. Бұл жолы 31 жастағы ер адам қаза тапқан. Олардың мәйіттерін құтқарушылар судан шығарып алған.

Төтенше жағдайлар департаменті тұрғындардан рұқсат етілмеген жерде, мас күйде, арнаулы шомылу құралдарынсыз шомылмауын, қауіпсіздік ережелерін сақтауға шақырады.

Хабар 24 телеарнасы