387,34 428,00 6.02
+7 (7172) 757 485 24kz@khabar.kz
ҚАЗ


Ақтөбе облысында ауылға көршілес тұрған зауыт шаңы тынысты тарылтты

  • 128
  • UPD: 15:59, 11.09.2019

Қиыршық тас өндірісі кесірінен Ақтөбе облысындағы ауыл тұрғындары тұншығып отыр. Шалқар ауданына қарасты Біршоғыр елді мекені көрші орналасқан зауыттардан зардап шегуде.

Күндіз-түні үздіксіз жұмыс істеп тұрған 11 тас үгіту орнының шаңы ауылдың аспанында қара бұлттай қымтап тұрады. Шыдамы таусылған халық экология департаментіне арызданған. Жоспардан тыс тексеру кезінде 11 өндіріс орнының барлығына дерлігі заң бұзушылыққа жол бергендігі анықталды. Жоба бойынша шаңға тосқауыл болар құрылғылар орнатылуы тиіс. Алайда кәсіпорындар экологиялық ахуалды ескермеген. Нәтижесінде қоршаған ортаға 170 миллион теңге көлемінде шығын келді.

Асхат Муфтаков, облыстық экология департаменті бөлімінің бас маманы:

- 8 кәсіпорында заң бұзушылықтар анықталып, жалпы көлемиі 19 миллионнан астам айыппұл салынды. 3 кәсіпорын бойынша уақытша қызметін тоқтату туралы шешімге исктер жолданды. Бір компания бойынша қазір исктер дайындалуда. Және де алдағы уақытта қадағалауда ұсталынады. Уақыты келгенде қайтадан тексеріледі.

Хабар 24 телеарнасы