386,67 424,50 6.01
+7 (7172) 757 485 24kz@khabar.kz
ҚАЗ


Қарағандыда бұрынғы әйелімен ұрсысып қалған ер адам 1 жасар қызын ұрлап кетті

  • 173
  • UPD: 19:37, 13.09.2019
Қарағандыда бұрынғы әйелімен ұрсысып қалған ер адам 1 жасар қызын ұрлап кетті classpic.ru

Қарағанды тұрғыны ажырасқан күйеуінің ұрыс-керістен кейін бір жасар қызын тартып алып кеткенін айтып, полицияға шағымданды, деп хабарлайды ҚазАқпарат.

13 қыркүйек күні Жаңа Майқұдық полиция бөліміне 23 жастағы қала тұрғыны хабарласты. Келіншектің айтуынша, 26 жастағы бұрынғы күйеуі әйелмен ұрысып, оған зақым келтірген, артынша бір жасар қызын алып кеткен.

Осы дерек бойынша ҚР Қылмыстық кодексінің 125-бабы («Адам ұрлау») 2-бөлігіне сәйкес қылмыстық іс тіркелді.

«Жедел іздестіру шараларының нәтижесінде полиция қызметкерлері баланы тауып, анасына қайтарды. Полицейлер 26 жастағы күдіктіні ұстау шараларын жүргізді», - деп мәлімдеді Қарағанды облыстық ПД баспасөз қызметі.

Осы іс бойынша тергеу жүріп жатыр.

 

Хабар 24 телеарнасы