389,75 435,25 6.12
+7 (7172) 757 485 24kz@khabar.kz
ҚАЗ


Шамалғандағы апат бойынша ақпарат: қаза тапқан адам – автобус жүргізушісі

  • 367
  • UPD: 10:48, 16.09.2019
Шамалғандағы апат бойынша ақпарат: қаза тапқан адам – автобус жүргізушісі

Алматы облысының Шамалған ауылындағы автобус пен пойыздың соқтығысуы салдарынан қаза тапқан адам автобус жүргізушісі екені анықталды.

Еске сала кетсек, бүгін кешке таяу Шамалған станциясында қатты жүріп келе жатқан пойыз жолаушылар автобусымен соқтығысып, салдарынан 1 адам қаза тапты. Тағы 9 адам жараланды.

Алматы облысының Шамалған станциясында болған апатқа байланысты жедел штаб құрылды.

Осы оқиғаға байланысты Алматы облысы Төтенше жағдайлар департаментінде жедел штаб құрылып, жедел желі іске қосылды. Қазір онда Алматы облысы әкімінің баспасөз хатшысы жарақат алғандардың жағдайы туралы баяндады.

Мемлекет басшысы Қасым-Жомарт Тоқаев Алматы облысы Шамалған станциясында болған апатқа байланысты көңіл айтты.

Еліміздің бас көлік прокуратурасы Алматы облысындағы Шамалған станциясында болған апатты тергеуді өз бақылауына алды. «Қазақстан темір жолы» акционерлік қоғамы да өз сайтында болған оқиғаға қатысты хабарлама жариялады.

Шамалғандағы апат болған жерге жақын ауруханалар күшейтілген режимде жұмыс істеуде.

Ал ҚР ІІМ өкілдері пойыз бен автобус соқтығысқан жерде тәжірибелі тергеу тобы жұмыс істеп жатқандығын мәлімдеді.

Жалпы, бұл жерге тұрғындар бұрын көпір салып беруді сұраған екен. Қазіргі уақытта Ақсеңгір-Шамалған бағытындағы теміржол қатынасы қайта ашылды.

Айта кетейік, Алматы облысының Шамалған станциясында қатты жүріп келе жатқан пойыз өз жолында тұрған жолаушылар автобусына соқтығысты.

Хабар 24 телеарнасы