389,59 429,68 6.06
+7 (7172) 757 485 24kz@khabar.kz
ҚАЗ


Таразда 9 жастағы қызға азғындық әрекет жасаған күдікті ұсталды

  • 290
  • UPD: 17:39, 28.09.2019
Таразда 9 жастағы қызға азғындық әрекет жасаған күдікті ұсталды kt.kz

Тараз қаласында 9 жастағы қызға азғындық әрекеттер жасаған 24 жастағы күдікті құрықталды, деп хабарлайды ҚазАқпарат.

Айта кетейік, оқиға 24 қыркүйекте сағат 19:00 шамасында болған. Тараз қаласының мөлтек аудандарының бірінде орналасқан көпқабатты үйдің подъезінде белгісіз ер адам мас күйінде 9 жастағы қызға күш қолданып, азғындық әрекеттер жасап, қылмыс орнынан бой тасалаған.

«Аталған дерек бойынша Тараз қаласының полиция басқармасы Қылмыстық кодекстің 124-бабы 1-бөлігімен сотқа дейінгі тергеп-тексеру амалдарын бастады.

Қылмысты ашуға полицияның барлық күш-құралдары жұмылдырылып, тәжірибелі қызметкерлерден арнайы жедел тергеу тобы құрылды.

«Кешенді жедел іздестіру іс-шараларының нәтижесінде полиция қызметкерлері күдіктінің жеке басын анықтады. 24 жастағы облыс орталығының тұрғыны ұсталып, өз кінәсін толығымен мойындады. Ол үйленген, екі баласы бар. Қазіргі таңда уақытша ұстау изоляторына қамалды», - дейді облыстық полиция департаментінің басшысы Арман Оразалиев.

Оның айтуынша, аталған бап бойынша 5 жылдан 10 жылға дейін бас бостандығынан айыру жазасы қарастырылған.

Анықталғандай, күдікті наркологиялық және психоневрологиялық диспансерде, сондай-ақ «педофил» санаты бойынша есепте тұрмайды.

Полиция департаментінің басшысы ата-аналарды мұқият болуға және осыған ұқсас жағдайларды болдырмау үшін жас балаларды қараусыз қалдырмауға шақырады.

Хабар 24 телеарнасы