384,77 427,95 6.05
+7 (7172) 757 485 24kz@khabar.kz
ҚАЗ


Оралда 2 адам мұз астына түсіп кетті

  • 172
  • UPD: 23:21, 24.11.2019
Оралда 2 адам мұз астына түсіп кетті inform.kz

Оралда екі ер адам мұз астына түсіп кетті, деп хабарлайды ҚазАқпарат.

БҚО ТЖ департаментінің баспасөз қызметінен түскен мәліметке қарағанда, оқиға бүгін Желаев кентінде болды.

Сағат 17.30-да «Орыс моншасы» ауданында жасанды су қоймасында конькимен сырғанау кезінде ер адамның мұздың астына түсіп кеткені жөнінде мәлімет түскен. Құтқарушылар (4 адам, 1 техника) сағат 17.49-да жеткенде екі адамның сондай жағдайға тап болғаны анықталды.

Олардың екеуі де құтқарылды.1989 жылғы ер адам конькимен сырғанаймын деп мұздың астына түсіп кетсе, екіншісі, 1967 жылғы азамат оған жәрдем бермек болған.

Облыстық денсаулық сақтау басқармасының баспасөз хатшысы Айнагүл Сақпосынованың нақтылауынша, 1989 жылғы ер адам медициналық көмекке жүгінді. Жарақат алмаған. Денесі тоңазыған ол қалалық көпбейінді ауруханаға жеткізілді.

Хабар 24 телеарнасы