384,77 427,95 6.05
+7 (7172) 757 485 24kz@khabar.kz
ҚАЗ


Алматы облысында туысын асқан жауыздықпен өлтірген күдікті ұсталды

  • 115
Алматы облысында туысын асқан жауыздықпен өлтірген күдікті ұсталды

Алматы облысының полицейлері Нұр-Сұлтан қаласы тұрғынының өліміне қатысты қылмысты ашты, деп хабарлайды, ҚазАқпарат.

Талғар ауданының тұрғыны жамағайынын өлтіріп, Алатау-Тұздыбастау тас жолының маңына қалдырып кеткен. Оқиға 23 қараша күні Талғар ауданында тіркелген. Жергілікті тұрғындар 31 жастағы азаматтың азаптап өлтірілген мүрдесін жолдың бойынан тауып алған. Тәртіп сақшылары адам өлімі бойынша қылмыстық іс қозғап, жедел іздестіру шараларына кіріседі. «Адам өлтірді» деген күдікпен Талғар ауданының 43 жастағы тұрғынын ұстайды. Ол мерт болған жігіттің алыс туысы болып шықты. Полиция департаментінің баспасөз қызметінің мәліметінше, қазіргі таңда күдікті ұсталып, уақытша ұстау изоляторына қамалды. ҚР ҚК-нің 99-бабы бойынша сотқа дейінгі тергеу жұмыстары басталды.

Айғақ зат ретінде пышақ пен темір құбыр тәркіленіп отыр. «Тергеу барысында мұндай жауыздыққа не түрткі болғанын полиция анықтай жатар, әзірше іс облыстық полиция департаментінің қатаң бақылауына алынды», – деп толықтырды департамент өкілі.

Хабар 24 телеарнасы