425.05 509.00 5.58
+7 (7172) 757 485 24kz@khabar.kz
ҚАЗ

Атырауда он жасар бала энергетикалық кәмпиттен уланып қалды

  • 888
  • UPD: 20:59, 23.12.2019

Атырауда энергетикалық кәмпиттен уланған бала құтқарылды, деп хабарлады ҚазАқпарат.

Облыстық денсаулық сақтау басқармасының баспасөз қызметі хабарлағандай, он жасар бала облыстық ауруханаға ес-түссіз күйде жеткізілген. Балақайдың ата-анасы жағдайдың мән-жайын түсіне алмаған. Ол жансақтау бөліміне жатқызылды. Жедел талдама нәтижесі құрамында кофеині бар заттан уланғанын көрсетті. Тиісті ем-дом шараларынан кейін бала есін жинаған. Олар үйге келгеннен кейін жеткіншек Flush UP энергетикалық кәмпитінің бірнешеуін сатып алып жегенін айтты.

«Қазіргі уақытта науқастың жағдайы жақсы. Оның өміріне қауіп төніп тұрған жоқ», – деп хабарлады облыстық денсаулық сақтау басқармасының өкілдері.

Хабар 24 телеарнасы