432,23 508,50 5.48
+7 (7172) 757 485 24kz@khabar.kz
ҚАЗ


Шымкентте әскери бөлімнен қару ұрлап қашқан кіші сержанттың сыбайластары ұсталды

  • 557
  • UPD: 23:41, 24.02.2020
Шымкентте әскери бөлімнен қару ұрлап қашқан кіші сержанттың сыбайластары ұсталды

Түркістан облысында әскери бөлімнен бірнеше қару ұрлаған әскери қызметші Абылай Балғынбайдың екі сыбайласы ұсталды, деп хабарлайды ҚазАқпарат.

Polisia.kz порталының мәліметінше, Түркістан облысының әскери бөлімінен қару алып кеткен әскери қызметші Абылай Балғынбайды және оның екі сыбайласы – азаматтық тұлғаларды ҚР Ішкі істер министрлігінің және Ұлттық қауіпсіздік комитетінің бірлескен жедел-тергеу тобы ұстады.

«Тінту кезінде олардан ұрланған қару тәркіленді. Тергеу сотының санкциясымен ұсталғандар қамауға алынды. Сонымен қатар жекелеген лауазымды адамдардың, оның ішінде әскери бөлім басшылығының қызметтік міндеттерге немқұрайлы қарағаны үшін жауапкершілігі туралы мәселе қарастырылуда. Тергеу жалғасуда», - делінген мәліметте.

Естеріңізге сала кетсек, 20 ақпан күні Түркістан облысында Әуе қорғанысы күштерінің әскери бөлімшесінде келісім-шарт бойынша қызмет етіп жүрген кіші сержант А.Балғынбай кезекшілікті өз бетімен тастап шығып, бірнеше қару ұрлап кеткен болатын. Сол күні ІІМ және ҰҚК қызметкерлерінің арнайы жедел тобы әскери қызметшіні қолға түсірді.

Хабар 24 телеарнасы