426,32 497,47 5.54
+7 (7172) 757 485 24kz@khabar.kz
ҚАЗ


Петропавлда он қабатты үйдегі өрттен 51 адам эвакуацияланды

  • 299
  • UPD: 18:49, 15.05.2020
Петропавлда он қабатты үйдегі өрттен 51 адам эвакуацияланды

Петропавлда 10 қабатты тұрғын үй өртенді. Бұл туралы ҚР ІІМ Төтенше жағдайлар комитетінен мәлімдеді, деп хабарлайды ҚазАқпарат.

«15 мамыр күні сағат 17:00-де Петропавл қаласының «101» пультіне Жамбыл көшесі бойындағы 10 қабатты тұрғын үйден өрт шыққаны туралы хабар түсті. 6 минуттың ішінде оқиға орнынан бірінші өрт сөндіру тобы келіп жетті. Өрт сөндірушілер алғашқы әрекеттерімен 6 тұрғынды, оның ішінде 5 баланы құтқарып, 45 адамды, оның ішінде 15 баланы эвакуациялады», - деді комитеттен.

Ведомство мәліметінше, сағат 17:25-те өрт оқшауланып, 17:36-да толықтай сөндірілген. Жалын 15 шаршы метр аумақты шарпыған. Қазіргі уақытта тілсіз жаудың шығу себебі анықталып жатыр. Өртті сөндіруге облыстық ТЖД жеке құрамының 25 маманы, 6 өрт сөндіру техникасы жұмылдырылды.

Хабар 24 телеарнасы