429,37 504,00 5.54
+7 (7172) 757 485 24kz@khabar.kz
ҚАЗ


Қостанайда трактор мініп адасқан ер адам құтқарылды

  • 234
  • UPD: 19:14, 18.05.2020
Қостанайда трактор мініп адасқан ер адам құтқарылды

Қостанай облысы ТЖД қызметкерлері далада адасып кеткен 42 жастағы ер адамды құтқарды, деп хабарлайды ҚазАқпарат.

Облыстық ТЖД баспасөз қызметі өкілі У.Досановтың айтуынша, «112» нөміріне әйел адам хабарласып, күйеуінің тракторымен үйден шығып кетіп, оралмағанын айтқан. Іздеу шараларына өрт сөндіру қызметінің жедел құтқару жасағының қызметкерлері мен Қостанай ауданының ТЖ бөлімінің құтқарушылары, сондай-ақ полицейлер жұмылдырылды.

«42 жастағы ер адам Қостанай ауданының Сормов және Александров ауылдарының арасында адасып кеткені анықталды. Оны түнгі 03:00 шамасында «Қостанай-Меңдіқара» автожолында байқадық. Біз дер кезінде келіппіз, кешіккенімізде ол тоңып қалар еді. Сол күні өңірде дауылды ескерту жарияланған. Жаңбыр жауып, түнде ауа температурасы төмендеді. Бірақ соған қарамастан ол жолға шығып кеткен. Құтқарушыларды оның әйелі шақырды, өзінің телефоны сөніп қалыпты. Біз оны Сормов ауылындағы үйіне дейін апардық», – деді Қостанай ауданының ТЖБ Азаматтық қорғау майоры Серік Дембаев.

Хабар 24 телеарнасы