420,22 505.95 5.64
+7 (7172) 757 485 24kz@khabar.kz
ҚАЗ

СҚО: зират қоршауын ұрлағандар ұсталды

  • 383
  • UPD: 09:47, 07.06.2020
СҚО: зират қоршауын ұрлағандар ұсталды

Солтүстік Қазақстан облысының полицейлері молада жасалған екі ұрлықты ашты, деп хабарлайды Polisia.kz.

Біріншісі Смирново ауданының орталығында болды.

3 маусымда аудан орталығының тұрғыны Аққайың ауданының полиция бөліміне арыз жазды. Арызданушының әкесінің моласының қоршауынан 10 темір шынжыр қолды болған. Аққайың ауданының ПБ криминалдық полиция бөлімшесінің қызметкерлері сатылуы мүмкін нүктелерді тексеру барысында шынжырдың бір бөлігін анықтады. Оларды 1987 жылы туған, аудан орталығының бұрын сотталған тұрғыны ұрлап, түрлі-түсті металл қабылдайтын пунктке тапсырғаны анықталды. Аталған факті бойынша ҚР Қылмыстық кодексінің 188-бабы 1-бөлігі (ұрлық) бойынша сотқа дейінгі тергеу басталды.

Екінші жағдай облыс орталығындағы Жұмысшы кентіндегі зиратта болып, Екінші полиция бөлімінің учаскелік полиция инспекторы Айдар Қуандықовтың қырағылығының арқасында ашылды. Ол сөмкесіне ауыр жүк салып алып, кетіп бара жатқан адамды байқайды. Тексере келіп, сөмкенің ішінен моланың қоршауының темір элементтері шыққан. Жедел қызметкерлер қоршауы ұрланған моланы анықтады. Қапаланған туыстары 1962 жылы туған, бұрын сотты болған Жұмысшы кентінің тұрғынына қатысты шара қолдану туралы арыз жазды. Бұл факті де ҚР Қылмыстық кодексінің 188-бабы 1-бөлігі бойынша Сотқа дейінгі тергеп тексерудің бірыңғай тізіліміне енгізілді.

«Біз халықпен, түрлі-түсті металл қабылдау пункттерінің иелерімен профилактикалық жұмыстар жүргіземіз. Алайда мұндай фактілер жиі болып тұрады. Екі жағдайда да марқұмның туыстары материалдық шығыннан гөрі моральдық соққы алды. Мұндай фактілердің алдын алу мақсатында кешенді жедел-іздестіру іс-шараларын өткіземіз», – деді Солтүстік Қазақстан облысы Полиция департаменті бастығының орынбасары Руслан Назаров.

Хабар 24 телеарнасы