431,82 507,51 5.47
+7 (7172) 757 485 24kz@khabar.kz
ҚАЗ


Қостанайда төрт жасар бала полиция көлігімен соқтығысудан қаза тапты

  • 197
  • UPD: 22:35, 25.07.2020
Қостанайда төрт жасар бала полиция көлігімен соқтығысудан қаза тапты

Қостанай облысында полицияның патрульдік автокөлігі «ВАЗ 2115» маркалы көлікпен соқтығысты, деп хабарлайды ҚазАқпарат.

Ақпаратты облыстық ПД баспасөз қызметі растады. Оқиға бүгін сағат 16:00-де Қостанай-Рудный автожолының 10-шақырымында болған.

«Полиция патрулінің автокөлігі «ВАЗ 2115» көлігіне соқтығысты. 4 жасар бала оқиға орнында қаза болды. Жедел тергеу тобы оқиға орынын тексерді. Қызметтік автопатрульдің осы жолдың 17-шақырымында болған жол апатына бара жатқаны анықталды. Бірер сағат бұрын тағы бір «ВАЗ 2115» көлігінің 26 жастағы жүргізушісі рульге ие бола алмай, жолдан шығып кеткен болатын. Салдарынан екі адам көз жұмды. Бұл дерек бойынша ҚР ҚК 345-бабымен іс қозғалды», - дейді полицияның баспасөз қызметі маманы Кенже Қонысбай.

Қазір жол-көлік оқиғасы бойынша қызметтік тексеру басталды. Патруль көлігі жол үстінде дабыл белгісін қосып жүрген.

Хабар 24 телеарнасы