428,02 497,47 5.54
+7 (7172) 757 485 24kz@khabar.kz
ҚАЗ


Қостанай облысында тұрғын үй өртеніп, екі газ баллоны жарылды

  • 193
  • UPD: 15:51, 11.08.2020
Қостанай облысында тұрғын үй өртеніп, екі газ баллоны жарылды

Қостанай облысында жеке тұрғын үйден өрт шығып, екі газ баллоны жарылды.

Оқиға Әулиекөл ауданынан 25 шақырым жердегі Черниговка ауылының маңында болған. Бұл туралы alau.kz облыстық ТЖД баспасөз қызметіне сілтеме жасап хабарлады.

Өрт туралы ақпарат 11 тамыз күні сағат 00:54-те түскен. Өрт сөндірушілер келген кезде ағаштан жасалған үй өртеніп жатқан.

«Бір сағаттан кейін 7 адам мен 2 арнайы көліктен тұратын өрт сөндіру тобы өртті ауыздықтады. Өрт 03:16-да толықтай сөндірілді. Үйде 60 жастағы ер адам тұрған. Оның айтуынша, түнде бөлмелердің бірінде электр сымдары өртенген. Одан соң өрт тез тарап кеткен», - деді ТЖД баспасөз қызметі.

Ер адам құжаттарын алып, үйден шығып үлгерген.

Хабар 24 телеарнасы