422.87 509.00 5.60
+7 (7172) 757 485 24kz@khabar.kz
ҚАЗ

Түнде Қостанайдағы көтерме сауда базарынан өрт шықты

  • 114
  • UPD: 12:30, 27.10.2020
Түнде Қостанайдағы көтерме сауда базарынан өрт шықты

27 қазан сағат 01:27-де Қостанай қалалық арнайы өрт сөндіру бөліміне Складская көшесіндегі екінші нөмірлі ғимаратында орналасқан базар нарығындағы тамақтану орнында өрт шыққандығы туралы хабарлама келіп түсті.

Бұл туралы Alau.kz ақпараттық порталы хабарлайды. Өрт сөндірушілер оқиға орнына келгенде дүңгіршекпен көршілес орналасқан тамақтану орнындағы өрттің көлемі 80 шаршы метрді құрағанын анықтаған.  

Жалын минут сайын өрши түсіп, келесі сауда нүктелеріне көше бастаған. Өртпен күресушілердің жедел әрекеттерінің арқасында әрқайсысы 40 литр 4 газ баллоны оқшауланды.

Өрт 03:16-да толығымен сөндірілді.

Қостанай облысының Төтенше жағдайлар департаменті қала тұрғындары мен қонақтарын өрт қауіпсіздігі ережелерін сақтауға шақырады.

Хабар 24 телеарнасы