420,31 511.30 5.69
+7 (7172) 757 485 24kz@khabar.kz
ҚАЗ

Маңғыстауда жедел жәрдем көлігі аударылып қалды

  • 321
  • UPD: 17:57, 02.12.2020
Маңғыстауда жедел жәрдем көлігі аударылып қалды

Маңғыстау облысындағы Ақтау-Құрық жолында көктайғақтан жедел жәрдем көлігі аударылып қалды.

Апаттан екі адам зардап шекті. Бұл туралы Маңғыстау облыстық полиция департаментінің баспасөз қызметі хабарлайды.

Жол-көлік апаты 2 желтоқсан күні таңертең болған.

Ауа райының қолайсыздығына байланысты жедел жәрдем көлігінің жүргізушісі рөлге ие бола алмай қалып, көлік аударылып кеткен.

– ЖКО салдарынан екі адам жарақат алған. Олар Құрық ауылындағы аудандық ауруханаға жеткізілді. Тиісті медициналық қызметтер көрсетілген соң олар үйлеріне жіберілген, – делінген мәліметте.

Хабар 24 телеарнасы