420,67 511.30 5.60
+7 (7172) 757 485 24kz@khabar.kz
ҚАЗ

Талдықорғанда пәтер өртеніп, төрт адам ауруханаға түсті

  • 107
  • UPD: 17:58, 14.01.2021
Талдықорғанда пәтер өртеніп, төрт адам ауруханаға түсті inform.kz

Талдықорғанда пәтер өртеніп, 4 адам ауруханаға түсті. Оның екеуі – 5 және 6 жастағы балалар, деп хабарлайды ҚазАқпарат.

«14 қаңтарда сағат 11:27-де Алматы облысы ТЖД Талдықорған қаласы, «Мушелтой» шағынауданы, 28 үйдің төртінші қабатындағы пәтер өртенгені туралы хабарлама келіп түсті. Алматы облысы ТЖД қызметкерлері жанып жатқан пәтерден 4 адамды құтқарды. Оның ішінде екі бала болды (1981 жылғы ер адам, 1984 жылғы әйел адам және 2015, 2019 жылғы екі бала), олар Талдықорған қаласындағы облыстық және көпсалалы балалар ауруханасына жатқызылды», – делінген Алматы облыстық ТЖ баспасөз қызметінің хабарламасында.

Сондай-ақ ТЖД мамандары 15 адам, оның ішінде 8 баланы арнайы баспалдақпен эвакуациялады.

«Өрт сағат 20 минуттың ішінде сөндірілді. Қызыл жалын 15 шаршы метр аумаққа шарпыған (жиһаз, теледидар және заттар жанған). Өрт сөндіру және адамдарды құтқаруға Алматы облысы ТЖД-нің 27 қызметкері мен 7 техникасы, Алматы облысы ПД-нің 10 қызметкері мен 4 техникасы, қаланың авариялық және шұғыл қызметтерлері жұмылдырылды. Өрттің шығу себебі темекі шегу кезінде отты абайсыз қолдану болды», – деп толықтырды ТДЖ баспасөз қызметінен.

Хабар 24 телеарнасы