417,02 504.70 5.60
+7 (7172) 757 485 24kz@khabar.kz
ҚАЗ

Жамбыл облысындағы теміржол апатынан сегіз пойыздың қозғалысы тоқтатылды

  • 252
  • UPD: 16:07, 07.02.2021
Жамбыл облысындағы теміржол апатынан сегіз пойыздың қозғалысы тоқтатылды

Жүк пойызының вагондары рельстен шығып қалғаннан кейін пойыздар қозғалысы қайтадан іске қосылды. Бұл туралы ҚазАқпарат «Қазақстан темір жолына» сілтеме жасап хабарлайды.

Вагондардың рельстен шығып қалуы нәтижесінде теміржол мен жылжымалы құрам зақымданды.

Пойыздардың көршілес жол бойымен жүру өлшемі бұзылды, сондықтан пойыздардың қозғалысы уақытша тоқтатылды.

«Жол басқармасы бастығының бұйрығымен оқиға салдарын жою үшін оқиға орнына жедел түрде Алматы мен Шу станцияларынан арнайы қалпына келтіру пойыздары жіберілді. Қалпына келтіру жұмыстары тұрақты режимде жүргізілді. 6 ақпан күні сағат 21:01-де осы учаскеде пойыздардың қозғалысы сағат бойынша қалпына келтірілді», - делінген баспасөз хабарламасында.

Оқиға салдарынан пойыздар кестесі бұзылды. Барлығы сегіз пойыздың қозғалысы бөгелді, оның төртеуі жолаушылар пойызы. Оқиғаның себептерін анықтау үшін «ҚТЖ» ҰК» АҚ-ның арнайы комиссиясы құрылғанын атап өту керек.

Еске сала кетсек, 2021 жылғы 6 ақпанда Жамбыл облысында жүк пойыз рельстен шығып, жолаушылар жолда қалған болатын.

Хабар 24 телеарнасы