417,02 504.70 5.60
+7 (7172) 757 485 24kz@khabar.kz
ҚАЗ

Карантинге қарамастан ұтыс ойынын ұйымдастырғандарға айыппұл салынды

  • 239
  • UPD: 23:55, 07.02.2021
Карантинге қарамастан ұтыс ойынын ұйымдастырғандарға айыппұл салынды

Елордада карантиндік шектеулерге қарамай ұтыс ойынын ұйымдастырғандарға айыппұл салынды.

Бұл туралы қалалық полиция департаментінің ресми өкілі Данияр Оралов арнамыздың тілшілеріне хабарлады.

Еске сала кетсек, шаһардағы гүл сататын дүкен алдына екі мыңнан мың адам жиналып, соңы дауға ұласқан еді. Жаңа дүкеннің ашылуына орай ұтыс ұйымдастырылып, әлеуметтік желіде бас жүлдеге көлік тігілгені хабарланған. Мұны естіген елордалықтар Мәңгілік ел көшесінің бойына жиналып, кептеліс пайда болды. Дүкен маңына халық тым көп келген соң ұйымдастырушы тарап белгісіз себептермен ұтыс ойыны өткізілмейтінін айтқан. Бұған қарсылық танытқан жұрт ішке кіруге ұмтылды.

Оқиға орнына тәртіп сақшылары жетіп, ұтыс ұйымдастырғандар Есіл аудандық полиция басқармасына жеткізілді.

Карантин тәртібін бұзған тарапқа 20 айлық есептік көрсеткіш көлемінде айыппұл салынды.

Елордада гүл дүкенінің алдына екі мыңнан астам адам жиналып, соңы дауға ұласты

Хабар 24 телеарнасы