414,77 504.70 5.64
+7 (7172) 757 485 24kz@khabar.kz
ҚАЗ

Алматы облысында жол апатынан жеті адам қаза тапты

  • 151
  • UPD: 10:38, 15.02.2021
Алматы облысында жол апатынан жеті адам қаза тапты

Алматы – Өскемен тасжолында екі көлік жол апатына ұшырап, жеті адам қаза тапты, деп хабарлады zakon.kz.

14 ақпанда Алматы – Өскемен тасжолында апат болды. Nissan Qashai жүргізушісі рөлге ие бола алмай, жолдың шетінде тұрған ауыр жүк көлігі Volvo-мен соқтығысқан.

«Жол апатынан жеті адам қаза тапты (Nissan жүргізушісі мен төрт жолаушысы, сонымен қатар Volvo жүк көлігінің жүргізушісі мен бір жолаушысы). Қазір қаза тапқандар адамдардың жеке басы анықталып жатыр. Оқиға орнында облыстық полиция департаментінің қызметкерлері, сондай-ақ Ақсу аудандық полиция бөлімінің тергеу-жедел тобы жұмыс істеді», - деп хабарлады Алматы облысының полициясы.

«Көлік құралдарын басқаратын адамдардың жол қозғалысы немесе көлік құралдарын пайдалану ережелерін бұзуы» бабы бойынша тергеу басталды.

Алматы облысының полиция департаменті қаза тапқандардың отбасыларына көңіл айтты.

Хабар 24 телеарнасы