432,01 515.14 5.62
+7 (7172) 757 485 24kz@khabar.kz
ҚАЗ

Ақтауда «Квикфостан» уланған балалар жақын арада үйлеріне оралады

  • 140
  • UPD: 20:39, 01.03.2021
Ақтауда «Квикфостан» уланған балалар жақын арада үйлеріне оралады

Ақтауда пәтерді дезинфекциялау кезінде уланып қалған балалар көп ұзамай үйлеріне оралады, деп хабарлайды «Хабар 24».

Ауруханаға түскен кезде 3 айлық сәби мен 5-14 жас аралығындағы өзге балалар көпке дейін құсып, бастары айналған. Қазіргі уақытта жағдайлары жақсы. Дәрігерлер қорытынды медициналық талдаулар оң нәтиже берсе, бүгін-ертең жақындарына қайтарамыз деп отыр. Ал сәбиден бронхит дерті табылуына орай емдік шаралар тағайындалған. Сондай-ақ «Квикфос» препаратынан уланған әйел мен ер адам профильді бөлімшеге ауыстырылады. Пәтерін көршілеріне ескертпей улап, 10 айлық бала мен анасының өліміне себепкер болған күдікті тергеліп жатыр.

Найля Гайсина, қалалық ПБ тергеушісі:

– Химия-токсикологиялық сараптама тағайындалды. Оның қорытындысы 1 айда шығады. Өзге де мәліметтер тергеу құпиялығына сәйкес жария етілмейді. Бұл дерек сотқа дейінгі тексерудің бірыңғай тізілімінде қылмыстық кодекстің 304-бабы 3-бөлігімен тіркелді.

Хабар 24 телеарнасы