Алматыда жүк көлігі көкөніс сататын дүкенге соғылды

Алматыда жүк көлігі көкөніс сататын дүкенге соғылды, деп хабарлады ҚазАқпарат.

Жол-көлік оқиғасының видеосы әлеуметтік желіде тарады.

Алматы қалалық Полиция департаментінің мәліметінше, оқыс оқиға 12 сәуір күні Наурызбай ауданында болған.

«Кеше кешкі сағат 18:30 шамасында «Howo» жүк көлігінің жүргізуші Асқаров көшесімен батыс бағытта келе жатып, Арычная көшесінің қиылысындағы дүкенге соғылған. Жол-көлік оқиғасы салдарынан жүргізуші жарақат алды. Келеңсіз жағдайды Наурызбай ауданының полиция басқармасы тергеп жатыр», - деді Алматы қаласы ПД анықтау басқармасының бастығы Олжас Шәріпов.