425,02 504.32 5.84
+7 (7172) 757 485 24kz@khabar.kz

Павлодар облысының су айдындарында балық қырылып жатыр

  • 288
  • UPD: 22:48, 15.04.2021
Павлодар облысының су айдындарында балық қырылып жатыр

Өлі балықтар алдымен Баянауыл ауданындағы су қоймаларынан табылды, деп хабарлайды «Хабар 24».

Онда 400 кг-дай шабақ қырылған. Келесі су қоймасынан 200 келі жас балықтар өлексесі алынды. Бүгін дәл осындай жағдай Ертіс өзенінде қайталанып отыр. Балық шаруашылығы инспекторларының айтуынша, Тяпка деп аталатын өзен тарамынан 60 келідей өлі балық су бетіне қалқып шығыпты. Жауапты мекеме мамандары қыс мезгілінде мұзды ойып, саңлау жасалғанын айтады. Бірақ тиімділігі болмай шыққанға ұқсайды. Өзен арнасының тереңдігі кей жерлерде 2 метрге жетеді. Қатты аяздарда су қоймалары толық қатып қалған. Бүгінгі таңда өлген балықтардан сынамалар алынып, зертханаға жіберілді. Зерттеу қортындысы он күн ішінде шығады.

Қазтай Нұржан, «Зайсан-Ертіс» облысаралық балық шаруашылығы инспекциясы басшысының орынбасары:

– Балықтар ауа жетіспеушілігінен қырылып қалуы мүмкін деп болжам отырмыз. Өздеріңіз білесіздер, өткен жыл қуаңшылық жылы болды. Судың деңгейі төмендеп кетті. Қатаң климаттық жағдайлар да әсер еткен сияқты. Өзен-көлдердің толық мұз болып қатуы балықтардың қырылуына әкеп соғады.

Хабар 24 телеарнасы