427,15 517.06 5.74
+7 (7172) 757 485 24kz@khabar.kz
ҚАЗ

Алматыда ыстық су құбыры жарылды

  • 72
  • UPD: 12:26, 29.04.2021
Алматыда ыстық су құбыры жарылды

Алматыда шағын аудандардың бірінде ыстық су құбыры жарылды, деп хабарлады ҚазАқпарат.

Құбырдан ағып жатқан ыстық судың видеосы әлеуметтік желіде пайда болды. Қаланың ТҮКШ жылуэнергокешені кәсіпорнының ресми өкілі Ян Гириннің айтуынша, апат «Жетісу-3» шағынауданында болған.

«Апаттық бригада жұмысшылары бір сағат ішінде жарылған құбырды қалпына келтірді. Зардап шеккендер жоқ», - деді Ян Гирин.

Жөндеу жұмыстарына байланысты 10 көпқабатты үйдің тұрғындарына басқа су құбыры арқылы ыстық су берілді.

«Апаттың себебі – 1998 жылы пайдалануға берілген 150 мм диаметрлі жылу желісінің тозуы. Мұндай құбырлардың пайдалану мерзімі шамамен 40 жыл болатын. Ал мұнда төселген құбырлар 25 жылға арналған. Бүгінде Алматыда жылу жүйелерінің тозуы 62,4% құрайды», - деп нақтылады ол.

Хабар 24 телеарнасы