426,73 523.00 5.95
+7 (7172) 757 485 24kz@khabar.kz
ҚАЗ

СҚО тұрғыны әйелін атып өлтіріп, немересін жарақаттау күдігімен ұсталды

  • 195
  • UPD: 23:29, 11.05.2021
СҚО тұрғыны әйелін атып өлтіріп, немересін жарақаттау күдігімен ұсталды Иллюстративті фото / blogspot.com

Солтүстік Қазақстан облысы Тимирязево елді мекенінде ауыл тұрғыны әйелін атып өлтірді деген күдікпен ұсталды, деп хабарлайды ҚазАқпарат.

СҚО Полиция департаменті баспасөз қызметінің мәліметінше, оқиға 10 мамыр күні сағат 17.00 шамасында болған. Тимирязев ауданының полиция бөліміне аудан орталығы Тимирязеводағы үйлердің бірінен атылған оқтың дауысы естілгені туралы қоңырау түскен. Полицейлер оқиға орнына келіп, үйдің ауласынан 59 жастағы әйелдің денесін тапты. Ал үйде оқ жарақатын алған 14 жастағы қыз болған. Қыз бала Тимирязев аудандық ауруханасына жеткізілді. 59 жастағы үйдің иесі алкогольдік мас күйде әйелімен жанжалдасып, «ИЖ» маркалы қарудан атқан. Салдарынан әйел сол жерде көз жұмған. Үйде бірге болған немересі жарақаттанды. Аталған факті «Адам өлтіру» бабы бойынша Сотқа дейінгі тергеп-тексерудің бірыңғай тізіліміне енгізілді. Күдікті уақытша ұстау изоляторына қамауға алынды. Істің мән-жайын жан-жақты тексеруге бағытталған тергеу әрекеттері жүргізіліп жатыр. Нәтижесі бойынша процессуалдық шешім қабылданады.

Хабар 24 телеарнасы