426,73 523.00 5.95
+7 (7172) 757 485 24kz@khabar.kz
ҚАЗ

Ақмола облысында үш көлік соқтығысты

  • 177
  • UPD: 16:29, 17.05.2021
Ақмола облысында үш көлік соқтығысты

Ақмола облысында үш көлік соқтығысып, төрт адам ауруханаға жатқызылды, оның екеуі бала, деп хабарлады ҚазАқпарат облыстық Полиция департаментінің баспасөз қызметіне сілтеме жасап.

Ведомствоның мәліметінше, жол апаты Көкшетау – Атбасар автожолының 14-ші шақырымында болған. Бұл туралы 16 мамырда сағат 14:45 шамасында Зеренді аудандық ПБ кезекшілік бөліміне хабарланды.

«Оқиға орнына жеткен полиция қызметкерлері анықтағандай, Көкшетау бағытында жүріп келе жатқан «Toyota Land Cruiser» автокөлігінің 37 жастағы жүргізушісі жолдың қарсы бағытына шығып кетіп, Көкшетау қаласының тұрғыны 40 жастағы әйел басқарған «Nissan maxima» жеңіл көлігімен соқтығысты. Қатты соққыдан «Nissan maxima» автокөлігі өзге «Mitsubishi Canter» автокөлігіне барып соғылды», - деді ведомстводан.

Жол апаты салдарынан «Mitsubishi Canter» автокөлігінің жүргізушісі, «Nissan maxima» жеңіл көлігінің жолаушылары 37 жастағы ер адам мен кәмелеттік жасқа толмаған балалар ауруханаға жатқызылды. «Қазіргі кезде осы оқиғаға байланысты Қылымстық кодекстің 345-бабының 1-бөлігі «көлік құралдарын басқаратын адамдардың жол қозғалысы немесе көлік құралдарын пайдалану қағидаларын бұзуы» бойынша сотқа дейінгі терегу шаралары жүргізілуде.

«Toyota Land Cruiser» автокөлігінің жүргізушісі ұсталып, уақытша ұстау изоляторына орналастырылды. Сараптама тағайындалды», - деді ведомстводан.

Хабар 24 телеарнасы