427,82 518.00 5.92
+7 (7172) 757 485 24kz@khabar.kz
ҚАЗ

Алматы облысында жол апатынан әйел адам мерт болды

  • 172
  • UPD: 16:31, 20.05.2021
Алматы облысында жол апатынан әйел адам мерт болды

Алматы облысында жол-көлік апатынан 30 жастағы жолаушы әйел оқиға орнында мерт болды.

Оның 4 жасар қызы түрлі дене жарақатымен Алматы қаласындағы ауруханаға жеткізілді, деп хабарлады ҚазАқпарат.

Алматы облыстық полиция департаменті баспасөз қызметінің мәліметінше, оқиға 19 мамыр күні түнгі сағат 22:05 шамасында болған. Алдын ала болжам бойынша, Талғар ауданының Жалғамыс – Төңкеріс жолында «Daewoo Espero» автокөлігінің 36 жастағы жүргізушісі қарсы бағытқа шығып кеткен. Салдарынан «Mitsubishi Galant» көлігіне соғылған.

«Оқиға орнында «Daewoo Espero» көлігінің 30 жастағы жолаушысы мерт болды. Оның 4 жастағы қызы Алматы қаласындағы ауруханаға жеткізілді. Сондай-ақ осы көлікте болған 31 жастағы және екінші көліктің 53 жастағы жолаушысы түрлі дене жарақатымен Өтеген батыр ауылындағы ауруханаға түсті», - делінген ведомствоның хабарламасында.

Қазір аталған фактіге сәйкес ҚР ҚК 345-бабы 3-бөлігі бойынша сотқа дейінгі тергеу жүріп жатыр. Қажетті сараптамалар тағайындалған.

Хабар 24 телеарнасы