ШҚО-да тұрғын үйде өрт шықты: 25 тұрғын эвакуацияланды

Шүлбі кентінде құтқарушылар өрт кезінде 25 тұрғынды, оның ішінде 8 баланы эвакуациялады.

«2 маусым күні сағат 19:26-да Шүлбі кентіндегі 2 ықшамаудан көшесіндегі бес қабатты тұрғын үйде өрт шықты. Өрт сөндірушілер келген кезде 2-қабаттағы пәтерде балконның ағаш конструкциялары, кіреберіс есігі, жеке заттары жанып жатты. Өрт сөндірушілер түтін аймағынан 25 тұрғынды, оның ішінде 8 баланы эвакуациялады», - деп хабарлады ШҚО ТЖД баспасөз қызметі.

Құтқарушылар 7 шаршы метр алаңда өртті сөндірді. Зардап шеккендер жоқ.