427,82 518.00 5.92
+7 (7172) 757 485 24kz@khabar.kz
ҚАЗ

Қостанайда бойжеткен үшін төбелескендер ауруханаға жеткізілді

  • 135
  • UPD: 15:19, 07.06.2021

Қостанайда түнгі клуб жанында төрт адам жанжалдасып, жараланған үшеуі ауруханаға жеткізілді, деп хабарлайды «Хабар 24».

Оқыс оқиға қаланың орталық көшесінде таңғы алтылар шамасында болған. Сол маңда болған куәгерлер атыс дыбысын естігендерін айтады. Бірақ төбелесті тоқтатып, бұзақыларды ұстаған полиция ешкімнің оқ атпағанын айтып отыр. Ауруханаға жеткізілген үш адамның бірінің иық және кеуде тұсына, екіншісінің жамбасына пышақ кірген. Ал үшіншісінің жағы сыныпты. Осы оқиға бойынша сотқа дейінгі тергеу басталды.

Ерболат Мырзатаев, қалалық ПБ басшысының орынбасары:

- Тергеу барысында жас жігіттердің бір бойжеткен үшін сөзге келгені анықталды. Оның соңы төбелеске ұласты. Жанжалға қасындағы достары да қосылған. Ауруханаға жеткізілгендердің жарақатында атыстан зардап шеккен белгілер жоқ.

Хабар 24 телеарнасы