423,75 504.55 5.80
+7 (7172) 757 485 24kz@khabar.kz
ҚАЗ

«ҚазМұнайГаз» компаниясының газ өңдеу зауытында өрт шықты

  • 232
  • UPD: 12:02, 17.06.2021
«ҚазМұнайГаз» компаниясының газ өңдеу зауытында өрт шықты inaktau

Маусымның 16-сы күні Нұр-Сұлтан қаласының уақыты бойынша сағат 23:15-те Маңғыстау облысының Жаңаөзен қаласында орналасқан «Қазақ газ өңдеу зауыты» ЖШС компрессорлық цехының ауа тоңазытқышында өрт шықты.

Өрттің таралуын және қайта тұтануын болдырмау мақсатында газ беру тоқтатылып, қондырғыны толығымен апаттық тоқтату жүзеге асырылды.

Компанияның баспасөз қызметінің мәліметінше, өрт сағат 23:52-де толықтай жойылды. Қайтыс болғандар мен зардап шеккендер жоқ. Өртті сөндіруге ҚазГӨЗ, «Өзенмұнайгаз» АҚ және облыстық ТЖД 5 өрт сөндіру тобы жұмылдырылды.

«Зауыт қызметкерлерінің, Жаңаөзен қаласы мен жақын маңда орналасқан елді мекендер тұрғындарының өмірі мен денсаулығы үшін қауіп жоқ. Өрт салдарын жою жұмыстары жүргізіліп жатыр. Өрттің шығу себептері анықталуда.

ҚазМұнайГаз» ҰК АҚ-да басқарма төрағасы Алик Айдарбаевтың басшылығымен жедел штаб жұмыс істеуде. Жедел штаб құрамына тиісті құрылымдық бөлімшелердің қызметкерлері кірді», – делінген баспасөз хабарламасында.

«Қазақ газ өңдеу зауыты» ЖШС директоры Нақберген Төлепов 16 шілдеде кәсіпорында болған өрт бойынша түсінік берді.

Хабар 24 телеарнасы