424,46 504.55 5.81
+7 (7172) 757 485 24kz@khabar.kz
ҚАЗ

Ақтөбе облысында жол апатынан үш адам көз жұмды

  • 218
  • UPD: 16:58, 22.06.2021
Ақтөбе облысында жол апатынан үш адам көз жұмды

Ақтөбе облысында болған жол апатынан үш адам көз жұмды, деп хабарлады Polisia.kz.

21 маусым күні сағат 17:21-де Қарабұтақ – Қостанай автожолының 171 шақырымында Lifan автокөлігінің 57 жастағы жүргізушісі қарсы қозғалысқа арналған жолаққа шығып, РФ азаматының басқаруындағы MAN жүк көлігімен соқтығысқан. Салдарынан Lifan автокөлігінің жүргізушісі, 1980 және 1959 жылдары туған екі жолаушысы оқиға орнында көз жұмды, сонымен қатар 1969 жылы туған әйел мен 1973 жылы туған ер адам Әйтеке би аудандық ауруханасына жеткізілді.

«Өкінішке қарай, көлік жүргізушілері мен жаяу жүргіншілер жол абайсыздықты кешірмейтіндігін ұмытып кетеді және жол қозғалысы ережелерін жақсы білуді талап етеді. Апатқа әкелетін басты себептердің бірі – жол қозғалысына қатысушылардың қолданыстағы ережелерді саналы түрде елемеуі», – дейді Ақтөбе облысы ПД бастығы Атығай Арыстанов.

А.Арыстановтың айтуынша, көлік құралдарының барлық түрлерінің жүргізушілерінің кінәсінен болған оқиғалардың негізгі себептері жылдамдықты арттыру, қарсы қозғалыс жолағына шығу, маневр жасау және жол қиылыстарынан өту ережелерін бұзу, көлікті мас күйінде басқару болып табылады.

Хабар 24 телеарнасы