Маңғыстауда трактор аударылып қалды
«К700» тракторының жүргізушісі тізгінге ие бола алмай, көлік аударылып қалды.
Бұл туралы lada.kz Маңғыстау облыстық полиция департаментінің баспасөз қызметіне сілтеме жасап хабарлады.
Жол-көлік оқиғасы 24 маусымда, түнгі сағат 3 шамасында болған.
«К700» көлігінің жүргізушісі рөлге ие бола алмай, трактор аударылып қалды. Жәбірленуші Жаңаөзендегі көпсалалы қалалық ауруханаға жеткізілді», - деп хабарлады облыстық полициядан.
Жүргізушіге қатысты ҚР ӘҚБтК-нің 610-бабы бойынша әкімшілік хаттама жасалды.