424,51 504.55 5.79
+7 (7172) 757 485 24kz@khabar.kz
ҚАЗ

Бурабайда күшті желден суға кете жаздаған 19 адам құтқарылды

  • 163
  • UPD: 23:28, 05.07.2021
Бурабайда күшті желден суға кете жаздаған 19 адам құтқарылды

Ақмола облысының Бурабай көлінде бір күнде 19 адам құтқарылды, деп хабарлайды Төтенше жағдайлар министрлігіне сілтеме жасаған ҚазАқпарат.

Бүгін, 5 шілде кешкі 20:00 кезінде Бурабай көліндегі патрульдеу кезінде құтқарушылар 19 адамды жағаға шығарды. Оның ішінде жетеуі бала. Туристер жел күшейген кезде көл үстінде қайықта және катамаранда отырған. Олар өз бетінше жағалауға жете алмаған.

«Ақмола облысы ТЖД қызметкерлерінің жедел әрекетінің арқасында ешкім зардап шеккен жоқ» деп мәлім етті ведомствоның баспасөз қызметі.

ҚР Төтенше жағдайлар министрлігі су үстінде қауіпсіздік талаптарын сақтау керектігін тағы да еске салады. «Су айдынында барынша сақ әрі мұқият болыңыздар» деп ескертеді ведомство.

Хабар 24 телеарнасы