Оралда жалған ПТР анықтама сатқан сақтандыру агенттері ұсталды

Оралдық тәртіп сақшылары заңды белшеден басқан сақтандыру агенттерін қолға түсірді. Олар жалған ПТР тест анықтамасын 5 мың теңгеге саудалаған.

Бұдан бөлек алаяқтар Ресейдегі медициналық мекеменің бірінен жалған шақыртудың көшірмесін жасап сатқан. Мұндай құжат мемлекеттік шекараны кедергісіз кесіп өту үшін әлдебіреулерге керек болған көрінеді. Тінту барысында 4 ұялы телефон, ноутбук, құжаттар мен 80 мың теңге тәркіленді.