Дәрігерлер Алматы әкімдігінің ғимараты маңында мотоцикл жүргізушісі қағып кеткен баланың денсаулық жағдайы туралы айтып берді, деп хабарлады Tengrinews.kz.
Дәрігерлердің айтуынша, жол апаты салдарынан бала түрлі дәрежедегі жарақат алған. Оған ота жасалды. Бірақ жағдайы өте ауыр. Дәрігерлер баланың өмірін сақтап қалу үшін күресіп жатыр.
«Ол ашық бассүйек жарақатын, іш қуысы, кеуде мүшелерінің жарақаттануы, оң иығының сынуы тәрізді жарақат алған. Баланың бауыры жарылып кеткен, оған ота жасалды. Науқас қазір жансақтау бөлімінде, жағдайы өте ауыр», - деді Алматы Қоғамдық денсаулық сақтау департаментінің өкілдері.
Апат салдарынан әйел реанимацияға жеткізіліп, кейін алған жарақаттарынан қайтыс болды. Мотоцикл жүргізушісі де жарақат алып, ауруханаға жеткізілді. Дерек Қылмыстық кодекстің 345-бабы 3-бөлігі бойынша тіркелген. Тергеу жүріп жатыр.