423,91 504.32 5.82
+7 (7172) 757 485 24kz@khabar.kz

Өскеменде 5 жасар ұлының жоғалғаны жайлы жалған хабар берген әйел жазаланды

  • 165
  • UPD: 19:44, 01.08.2021
Өскеменде 5 жасар ұлының жоғалғаны жайлы жалған хабар берген әйел жазаланды

Өскемен қаласының тұрғыны полицияға 5 жасар ұлының жоғалып кеткендігі жайлы жалған хабар бергені үшін жауапқа тартылды, деп хабарлайды ҚазАқпарат.

Қалалық Полиция басқармасы баспасөз қызметінің мәліметінше, полицияға хабарласқан әйел адам кішкентай ұлының жоғалып кеткендігіне шағымданған.

«Өз сөзінде ол 5 жасар Мишаның Қазақстан көшесіндегі «Донер» дәмханасының ойын алаңында жүргенін айтты. Содан кейін әйел баласын «Электр тауарлары» дүкенінің маңында тұратын бұрынғы күйеуінің алып кетуі мүмкін екендігін алға тартты. Бірақ полиция қызметкерлеріне нақты мекен-жайды айта алмаған», - деп хабарлады ведомство өкілдері. Сөзден бірнеше рет жаңылған азаматша араға біраз уақыт салып арыз берген кезде мас болғандығын, ұлының мүлде жоғалмағандығын жеткізді. Сол үшін тәртіп сақшылары оған қатысты ҚР ӘҚБтК-нің 438-бабы 1-бөлігі бойынша (Арнаулы қызметтердi көрiнеу жалған шақыру) әкімшілік хаттама толтырды.

Хабар 24 телеарнасы