Алакөлде гидроцикл үрмелі матрастағы демалушыларды соқты: бір адам қаза болды

ШҚО-дағы Алакөл көлінде турист қаза болды, деп хабарлады Tengrinews.kz.

8 тамызда кешке Түркістан облысының 27 жастағы тұрғыны гидроциклмен үрмелі матрасты басып кеткен. Нәтижесінде Семейдің 40 жастағы тұрғыны оқиға орнында қаза болды, ал оның 11 жастағы қызы жансақтау бөліміне жатқызылды.

«Үржар аудандық полиция бөлімі ҚР ҚК-ның 344-бабы 2-бөлігі (Адам өліміне себепші болған жол қозғалысы қауіпсіздігі ережелерін немесе теңіз немесе өзен көлігін пайдалану ережелерін бұзу) бойынша соталды тергеуді бастады. Қазіргі уақытта іс бойынша бірқатар сараптама тағайындалған. Тергеу әрекеттері жүргізіліп жатыр», - деді ШҚО Полиция департаментіндегілер.

Сонымен қатар гидроцикл иесі Үржар облысының 31 жастағы тұрғынына қатысты ҚР ҚК-ның 306-бабы 3-бөлігі бойынша соталды тергеу басталғаны белгілі болды. 

ШҚО Полиция департаменті мәліметінше, ҚІЖК-нің 201-бабы 1-бөлігіне сәйкес соталды тергеудің басқа да мән-жайы жария етуге жатпайды.