425,63 492.05 5.92
+7 (7172) 757 485 24kz@khabar.kz

Қостанай облысында КамАЗ бен жеңіл көлік соқтығысты

  • 171
  • UPD: 12:13, 20.09.2021
Қостанай облысында КамАЗ бен жеңіл көлік соқтығысты Қостанай облысы ПД баспасөз қызметі

Жол-көлік апаты 19 қыркүйекте Щербаково кентінің маңындағы Алматы-Екатеринбург тас жолының 587-шақырымында болды.

Бұл туралы Қостанай облысы ПД баспасөз қызметіне сілтеме жасай отырып alau.kz хабарлайды.

57 жастағы КамАЗ жүргізушісі көлікті басқара алмай қалып, қарсы бағытқа шығып кеткен.

Жүк көлігі 55 жастағы жүргізушінің басқаруындағы «ВАЗ-2106» автокөлігімен соқтығысқан. Салдарынан жеңіл көлік жүргізушісі оқиға орнында көз жұмса, жолаушы ауыр халде ауруханаға жеткізілді.

Жол-көлік оқиғасының сызбасы жасалды. КамАЗ жүргізушісі спирттік ішімдік ішпеген. 

Қазіргі уақытта ҚР ҚК 345-бабының 3-бөлігінде көзделген, яғни «Абайсызда адам өліміне әкеп соқтырған жол қозғалысы ережелерін бұзу» бабымен сотқа дейінгі тергеу басталды.

Жыл басынан бері облыс аумағында 229 ЖКО болды, онда 50 адам қаза тауып, 261 адам жарақат алды.

Хабар 24 телеарнасы