426,32 496.50 6.01
+7 (7172) 757 485 24kz@khabar.kz

Нұр-Сұлтанда жоғалған 19 жастағы қыз өлі табылды

  • 183
  • UPD: 17:44, 22.09.2021
Нұр-Сұлтанда жоғалған 19 жастағы қыз өлі табылды Фото: Нұр-Сұлтан қалалық ІІБ баспасөз қызметі

Елордада жоғалып кеткен 19 жастағы қыз өлі табылды.

Бұл туралы Нұр-Сұлтан полиция басқармасы мәлім етті, деп хабарлайды Tengrinews.kz.

Бойжеткен 19 қыркүйекте сағат 11:00 шамасында үйінен шығып, оралмаған. Жоғалған қыздың анасы полицияға арыз түсірген.

«Нұр-Сұлтан полиция бөлімінің жеке құрамы, қосымша күштер, Ұлттық ұланның жеке құрамы, еріктілер мен жұртшылық жоғалған адамды іздеуге жұмылды.

Қызды соңғы рет Бараев көшесі жағынан көпірден көрген. Іздестіру жұмыстарына сүңгуірлер тобын тарту туралы ұйғарылды», – деп түсіндірді тәртіп сақшылары.

22 қыркүйекте сағат 11:20-да полиция қызметкерлері мен ТЖМ жедел құтқару жасағы Есіл өзенінен қыздың мәйітін тапты.

«Бұл факт бойынша қылмыстық іс қозғалды, сот-медициналық сараптама тағайындалды. Оқиғаның барлық мән-жайы анықталып жатыр», – деп толықтырды полиция өкілі.

Хабар 24 телеарнасы