426,32 496.50 6.01
+7 (7172) 757 485 24kz@khabar.kz

Ақтөбе облысында көлік аударылды: 71 жастағы жүргізуші мерт болды

  • 179
  • UPD: 16:15, 23.09.2021
Ақтөбе облысында көлік аударылды: 71 жастағы жүргізуші мерт болды polisia.kz

Ақтөбе облысында көлік аударылып, 71 жастағы жүргізуші мерт болды, деп хабарлайды Polisia.kz.

22 қыркүйек сағат 19:40-та Мәртөк ауданы Сарыжар ауылының тұрғыны, LADА Granta автокөлігінің 71 жастағы жүргізушісі Мәртөк ауылы жағынан Сарыжар ауылы бағытында келе жатып, рөлді басқара алмай, көлік құралының қозғалысы барысында оң жаққа қарай аударылған.

Жол-көлік оқиғасы салдарынан жүргізуші алған жарақатынан оқиға орнында көз жұмды.

– Барлықтарыңызды жолдарда белгіленген тәртіп ережелерін сақтауды сұраймыз. Тағы да жүргізушілерге жол қозғалысы ережелерін бұзғаны үшін жауапкершілік туралы еске салғым келеді және барлық азаматтарды белсенді көзқарас танытуға шақырамын, – деді өңірдің бас полицейі Атығай Арыстанов.

Хабар 24 телеарнасы