426,14 492.05 5.99
+7 (7172) 757 485 24kz@khabar.kz

Көкшетауда бес қабатты үйде газ баллоны жарылды

  • 116
  • UPD: 23:15, 12.10.2021
Көкшетауда бес қабатты үйде газ баллоны жарылды

Көкшетауда бес қабатты тұрғын үйде газ баллоны жарылды. Салдарынан екі адам зардап шекті, деп хабарлайды облыстық Төтенше жағдайлар департаментінің баспасөз қызметі.

Ведомствоның мәліметінше, төтенше жағдай қазанның 12-де кешкі сағат 19:05-те Көктем, 5 үй мекен-жайы бойынша орналасқан 5 қабатты тұрғын үйдің 2-қабатындағы пәтерде болған.

«Оқиға орнына ТЖД жеке құрамынан 22 қызметкер мен 6 арнайы техника, жедел жәрдем қызметі бригадасының 12 қызметкері мен 4 техникасы, полиция басқармасының 16 қызметкері мен 7 техникасы жұмылдырылды», - деді ведомстводан.

Ведомствоның баспасөз қызметінен атап өткендей, жарылыс салдарынан пәтерлер арасындағы гипсокартоннан жасалған пәтераралық қабырға мен балкон қираған.

«Өрт сөндіру қызметкерлері үш иінді баспалдақтың көмегімен 3 адамды (оның екеуі бала) эвакуациялады. Оқиға орнында медициналық көмекке 2 адам жүгінді. Оның бірі жарылыс болған пәтердің тұрғыны 1970 жылғы ер адамның аяғын 20 процент күйік шалса, тағы бір 1994 жылғы тұрғын зардап шекті. Екеуінің де жағдайлары қанағаттанарлық. Оқиға орнында ТЖД күшімен мобильді жылыту пункті ұйымдастырылып, аталмыш үй тұрғындарына психологиялық көмек көрсетілді, сондай-ақ (52-09-50) номері бойынша жедел желі ұйымдастырылды», - деп толықтырды ведомстводан.

Хабар 24 телеарнасы