430,43 492.25 5.92
+7 (7172) 757 485 24kz@khabar.kz

«Керуенде» жігітті соққыға жыққан күдікті ұсталды

  • 88
  • UPD: 23:02, 14.11.2021
«Керуенде» жігітті соққыға жыққан күдікті ұсталды

«Керуенде» жігітті соққыға жыққан күдіктіні астаналық полицейлер ұстады, деп хабарлайды Polisia.kz.

2021 жылдың 9 қарашасында сағат 21:30 шамасында «102» арнасына Достық көшесі бойындағы «Керуен» сауда ойын-сауық орталығында белгісіз біреулер төбелесіп жатқаны туралы хабарлама келіп түскен.

Полиция қызметкерлері 17 жастағы екі қызға жігіттердің келіп, танысқысы келгенін, сол себепті кәмелетке толмағандардың бірі жақын жерде 19 жастағы ағасын шақырғанын анықтады. Келген бойда жастар арасында жанжал туып, төбелеске ұласқан. Криминалдық полиция қызметкерлерімен жүргізілген жедел-іздестіру іс-шаралары барысында күдікті ұсталды. Ол 31 жастағы елорда тұрғыны болып шықты. Аталған факт «Бұзақылық» бабы бойынша сотқа дейінгі тергеу амалдары жүргізілуде.

Полиция департаменті елорда тұрғындары мен қонақтарының қауіпсіздігі үшін барлық қажетті шараларды қабылдауда. Сауда орталығының жанынан полицияны жедел шақыру терминалы орнатылып, тәулік бойы патрульдеу жүргізілуде. Сондай-ақ заңсыз әрекеттер орын алған жағдайда дереу полицияға немесе «102» номеріне хабарласу керектігін еске салады.

Хабар 24 телеарнасы