Алматыда белгілі ұялы байланыс операторының бұрынғы қаржы директоры 450 миллион теңге жымқырған.
Қаржылық мониторинг агенттігінің қызметкерлері осындай айып тағып отыр. Олар арнайы тексеріс кезінде күдікті жалған келісім-шарттар әзірлеп, 258 миллион теңгені қалтасына басқан дейді. Одан бөлек өзіне 192 миллион теңге аванс жазып үлгеріпті. Күдікті осы қаржының барлығын букмекерлік кеңселерге барып жұмсаған көрінеді. Құмар ойындарға құныққан ол - жымқырған ақшаның барлығын ұтыс тігіп ұтылып қалдым деп ақталса керек. Қазір осы іске қатысты қылмыстық іс қозғалды, тергеу амалдары жүріп жатыр.