1994 жылы туған жаяу жүргінші жолдың жүру бөлігін белгіленбеген жерден кесіп өткен, деп хабарлайды Рavlodarnews.kz.
Облыстық полиция департаменті баспасөз қызметінің мәліметінше, жол апаты 21 желтоқсан күні сағат 11.20-да Н.Назарбаев даңғылындағы 44-ші үйге қарама-қарсы бағытта орын алған.
- «Мерседес Benz» автокөлігінің 54 жастағы жүргізушісі қауіпсіз қозғалыс жылдамдығын таңдамай, жаяу жүргіншіні қағып кетті. Ол жолдың жүру бөлігін белгіленбеген жерден кесіп өтті. ЖКО салдарынан қала тұрғыны жарақат алып, ауруханаға жеткізілді, - деді баспасөз қызметінде.
Полиция қызметкерлері автокөлік арнайы айып тұрағына қойылғанын атап өтті. Аталмыш фактіге қатысты тексеру жүргізілуде.